Katibu Tawala Pwani Ashiriki Maadhimisho ya Miaka 58 ya Hospitali ya Rufaa ya Tumbi.

Posted on: October 11th, 2025

Katibu Tawala wa Mkoa wa Pwani, Pili Mnyema, ameshiriki maadhimisho ya miaka 58 tangu kuanzishwa kwa Hospitali ya Rufaa ya Mkoa wa Pwani – Tumbi. Maadhimisho hayo yamefanyika leo, tarehe 11 Oktoba 2025, katika uwanja wa Shirika la Elimu Kibaha.

Akizungumza katika hafla hiyo, Mnyema amewapongeza watumishi wa kada ya afya kwa mchango wao mkubwa katika utoaji wa huduma kwa wananchi, huku akiwaasa kuendelea kufanya kazi kwa weledi, uadilifu, na moyo wa kujituma wanapotekeleza majukumu yao ya kila siku.

Maadhimisho hayo yamepambwa na maandamano ya amani, michezo mbalimbali kupitia bonanza la afya, pamoja na tukio la kuwaaga rasmi watumishi waliostaafu au kumaliza muda wao wa utumishi katika hospitali hiyo.