Wafungwa 128 Pwani waapata msamaha wa Rais

Posted on: December 11th, 2019

Kufuatia msamaha alioutoa Rais Dk John Magufuli wakati wa sherehe ya Uhuru wa nchi huko Mkoani Mwanza kutimiza miaka 58 wafungwa 128 mkoani Pwani nao wamepata msamaha huo kutoka kwenye magereza saba ya mkoa huo.

Akishuhudia kuachiwa kwa wafungwa 36 wakiwemo Waethiopia 16 kwenye gereza la mahabusu la Mkuza lililopo wilayani Kibaha mkuu wa mkoa wa Pwani Mhandisi Evarist Ndikilo amewataka wafungwa hao walioachiwa kuwa wema.

Naye mkuu wa magereza Mkoa wa Pwani ACP Rehema Ezekiel amesema kuwa wafungwa hao wameachiwa kutokana msamaha uliotolewa na Rais na huo ni utekelezaji wa agizo hilo.

Nao wafungwa hao walioachiwa wamemshukuru Rais kwa kuwasamehe na kuiomba serikali kuwangalia ili waweze kupata mitaji ya kufanyia biashara ili wasije wakajiingiza kwenye vitendo viovu.