Wanaowapa wanafunzi mimba lazima wafikishwa kwenye vyombo vya Dola:RC Ndikilo

Posted on: January 11th, 2019

Mkuu wa mkoa wa Pwani mhandisi Evarist Ndikilo amemtaka kamanda wa Polisi kwa kushirikiana na Wakuu wa Wilaya za mkoa huo kuhakikisha kua  wale wanaowapa mimba wanafunzi wanachukuliwa hatua kali  za kisheria.

Mhandisi Ndikilo alitoa agizo hilo wakati wa ufunguzi wa kikao cha kamati ya ushauri ya Mkoa kilichofanyikja kwenye ukumbi wa Ofisi  mkuu wa Mkoa Mjinini Kibaha  na kuhudhuria na viongozi mbalimbali wakiwemo Wakuu wa Wilaya.

Mhandisi Ndikilo alisema kuwa , takwimu za mimba zinasikitisha huku wanaochukuliwa hatua za kisheria wakiwa wachache ukilinganisha na waliopewa mimba.

Pia alisema kuwa , ni marufuku kwa wazazi/walezi ama polisi kumaliza kesi za mimba  kinyemela na badala yake wahusika wachukuliwe hatua za kisheria ili iwe funzo kwa wengine na kukomesha tabia hiyo.

“Hakuna kesi ya mimba inayomalizwa na wazazi au walezi kwa kufanya vikao vyao  wenyewe , wahusika wapatikane na jeshi la polisi liwafikishe mahamakani watuhumiwa na sheria ichukue mkondo waka” alisema Mhandisi  Ndikilo.

Akiwasilisha taarifa ya Elimu , Afisa elimu wa mkoa wa Pwani Abdul Mauld alisema kuwa wanafunzi waliopata mimba na kuacha shule kuanzia January hadi Disemba 2018 katika shule za misingi na sekondari ni 235.

Maulid alisema kati ya wanafunzi ha 80 ni kutoka shule za msingi na 155 wa shule za sekondari  kutoka kila Wilaya za Mkoa huo.

Aidha alieleza katika kikao hicho kuwa Hamashauri  ya Chalinze wanafunzi 17 wa shule za msingi na 29 wa sekondari walipata mimba, katika Wilaya ya Mkuranga ni  wanafunzi 20 wa shule za msingi na 28 Sekondari.

Wilaya nyingine ni kisarawe wanafunzi 12 wa msingi na sekondari 21 , Rufiji wanafunzi 14 na 17 wa sekondari , katika wilaya  ya kibiti waliopata mimba wa shule  za msingi ni 8 na sekondari 28.

Pia aliainisha idadi ya wanafunzi waliokuwa na mimba kutoka mafia  kuwa ni 8  wa sekondari na Wilaya  ya Bagamoyo  6 wa shule zamsingi na 4 wa sekondari Halmashauri ya Mji Kibaha wanafunzi wawili wa msingi na 15 Sekondari na Halmashauri ya Wilaya Kibaha mmoja wa msingi na 5 wa Sekondari.

Suala hili lilileta taharuki kwa wajumbe wa kikao hicho  ambao kwa pamoja walidhamiria  kulivalia njuga na kulipangia mkakati wa kuondoana tatizo la mimba mashuleni.